Video
Read full review
2018-01-06
3705 views
做完野6點左，經過油麻地揾野食，見到平時排晒隊既村爺爺泡飯唔洗排隊就有得食，就2 話不說入去揾個位坐低睇野食，據說車仔麵都幾好，不過今次揀了泡飯嚟食！餐廳環境是一般茶餐廳格局，簡單裝修！建議最好早d嚟，我走既時間已經開始要排隊！餐廳選擇眾多，其實除了泡飯外，您都可以order隔嚟既車仔麵，總有一款啱您食既！ 我今次就叫左個 海鮮龍蝦湯泡飯！ 跟據佢既描述係用龍蝦淆製而成，雖然我唔係龍蝦愛好者，不過都想試下係唔係真係咁堅料！如果您喜歡食龍蝦，佢仲有個有半隻龍蝦既泡飯可以選擇，$98嗰個！話都無咁快d野食已經嚟到！嚟到嗰下真係嚇我一跳，$68有無咁足料？！第一件事要做，就梗係要試下佢d湯係唔係真係咁正！結果係估您唔到咁鮮甜！真係有龍蝦既味道！我飲左成4,5湯匙先開始記得佢有個飯要擺落去撈！諗起d飯索晒d湯汁既情境就真係口水都流埋出嚟！除左叫湯飯外，仲叫左個雙拼小食，有炸魚腐同墨魚手指食到最後由於d湯太好飲我成碗清晒！您睇下唔計其他食材，食剩既殼就知佢有幾真材實料！埋單一百蚊左右，估唔到呢個價錢都有咁好質素既泡飯，真係推介大家嚟試下！
餐廳環境是一般茶餐廳格局，簡單裝修！建議最好早d嚟，我走既時間已經開始要排隊！
餐廳選擇眾多，其實除了泡飯外，您都可以order隔嚟既車仔麵，總有一款啱您食既！
我今次就叫左個 海鮮龍蝦湯泡飯！ 跟據佢既描述係用龍蝦淆製而成，雖然我唔係龍蝦愛好者，不過都想試下係唔係真係咁堅料！如果您喜歡食龍蝦，佢仲有個有半隻龍蝦既泡飯可以選擇，$98嗰個！
話都無咁快d野食已經嚟到！嚟到嗰下真係嚇我一跳，$68有無咁足料？！
第一件事要做，就梗係要試下佢d湯係唔係真係咁正！結果係估您唔到咁鮮甜！真係有龍蝦既味道！我飲左成4,5湯匙先開始記得佢有個飯要擺落去撈！諗起d飯索晒d湯汁既情境就真係口水都流埋出嚟！
除左叫湯飯外，仲叫左個雙拼小食，有炸魚腐同墨魚手指
食到最後由於d湯太好飲我成碗清晒！您睇下唔計其他食材，食剩既殼就知佢有幾真材實料！
埋單一百蚊左右，估唔到呢個價錢都有咁好質素既泡飯，真係推介大家嚟試下！
Post
