咁岩今日星期4 ，7點去到唔太多人，好快已經安排到位比我地，佢唔同其他放題，唔會安排到d位太密，所以我地都坐得幾舒服。
至於食物質素，佢呢到同一般放題一樣，壽司、燒壽司、天婦羅、刺身、手卷、烤、炸物，當然唔少得種類好多既甜品同飲品，呢到好特別，竟然會有支裝飲品，真特別。
當然，我特別推介我根住介紹既個幾種食物。
首先當然有刺身同壽司，呢到既刺身同壽司比我想像中好，好新鮮，好甜，唔似一般放題，所以多人既真係可以試多幾種種類，幾好食。
當然，我朋友都好中意呢到既炸物同燒物，佢唔會太咸，而且味道岩岩好，炸雞弱骨真係好好食，又脆又熱，雞翼同魚頭味道岩岩好，有鮮味又唔會太濃。牛舌拍得住居酒屋質素，推推推!
呢到仲有好新鮮既生豪，真係估佢唔到，一般放題都唔會有生豪，不過呢到不但只有，味道又鮮又甜，仲有幾種味，而我就揀左原味，真係好正!
最後當然要有烏冬結尾，呢到拉面同烏冬都有兩種，味道真係想讚下，絕對唔會好濃，而且面質好彈牙，一個人兩碗，好基本啦。
至於甜品，呢到都有好多種，除左有雪糕同糯米慈，佢仲有D佢自制既甜品，例如奶凍個D。真係應有盡有!!!
除左我介紹既，呢到好多人都會食佢既蒸氣火鍋，真係好多人試，可惜我地只有兩人，食唔到太多，冇去試，所以下次決定叫多D人去!!試下佢!
總括泥講，呢到氣氛幾好，服務態度好，會有員工主動過泥問有冇野食味到，放題真係好小見！價錢合理!推薦呀!
