時光雞 (Closed)

之前都有聽朋友提起過呢間鋪頭，今日行過附近，在轉角位竟然就見到，即刻試試佢。店舖主打外賣，有數個堂食位，店員們後生有活力，亦好nice. 其中一個見我望住餐牌，就問洗唔洗介紹，我未食過，所以都等佢講左一些推介。最後我叫左北海道芝士薯餅、時光芝士炸雞、蜜糖芥末炸雞、牛小排餃子、黑糖蕃薯條，外賣返屋企食。先講北海道芝士薯餅，真心正！必試！d芝士係流出來，可以拉絲個種～好好味～時光芝士炸雞同蜜糖芥末炸雞，味道都好好，雞肉肉質鮮嫩，粉漿唔係太厚，肉汁都keep 到。至於牛小排餃子，我第一次食，又估唔到咁好味，牛肉的味道好香，餃子皮唔會太厚，又唔會太油，正。至於黑糖蕃薯條，少少甜，比較食薯條，感覺好似健康啲～🤣總括來講，值得一試。