8號茶居 (宏業南街) (Closed)

夜晚得我同妹妹兩個人，係屋企附近搵野食，因為我好鍾意食點心🫖就黎到哩間我未試過既點心店🏃🏻‍♀️☑️8號蝦餃皇比平時食開既蝦餃大粒好多🤣所以可能因為甘一籠就得兩粒，蝦餃皮好薄，晶瑩剔透，蝦超級飽滿，塞滿哂成個蝦餃，爽口彈口🦐☑️鵪鶉蛋燒賣 哩個係我最鍾意食既點心，好可惜好多飲茶既地方都冇里款，但哩到竟然有😍薄薄既皮包住一隻鵪鶉蛋同肉，肉係冇咩肥肉👍🏻☑️薑蔥牛柏葉承接上面，哩個都係我最愛，但又都係唔多點心店有，而哩到有齊兩樣我最愛，試問我點樣唔鍾意哩間❤️薑蔥加左少少辣椒🌶️所以有啲啲啲啲辣味，牛柏葉好入味，亦好爽口，唔會霖得濟👍🏻☑️海苔鮮蝦腐皮卷腐皮卷炸到脆一脆，入面有一層紫菜，再包住滿滿既蝦肉，好香口😆☑️鴛鴦鮮蝦網米腸見哩個係鴛鴦色好得意就簡左，橙色既係紅蘿蔔既味道🥕綠色既係菜既味道🥬入面再包住蝦，食落口感豐富，比一般既炸兩腸好食😋☑️鮑魚雞粒竹筒飯哩到既竹筒飯好出名，平時飲茶我都會叫個蒸飯，甘梗係要簡個竹筒飯試下，入面有好多雞粒同一隻鮑魚仔，雞粒好滑，份量足以送哂成碗飯，枱面有豉油，可以按個人喜好加豉油🧂