▪️三餸一麵(柱候牛肋條、鮮竹墨魚魚卷、8吋長、豬骨清湯、雙倍惹味甜辣醬、河粉)
首先豬骨清湯可以令到個甜辣醬既味道更加突出，甜辣醬就有少少甜醬再加少少辣，係大部份人都接受到既辣度，唔怪得叫做惹味。
牛肋條都整得非常腍，好容易入口。而鮮竹墨魚魚卷都非常足料，好飽滿。珍寶蟹柳係超正，平時一兩啖就食完既蟹柳，宜家可以食到我非常滿足，鍾意食蟹柳既人一定要試呢個餸。
▪️三餸一麵(必食牛筋腩、古法金錢肚、8吋特長脆皮腸、豬骨清湯、米線)
我覺得佢既牛類食物都整得好好食，所以牛筋腩、金錢肚真係好容易咬得開，唔會好似係到咬得橡筋。個脆皮腸都好正，食落都好似有芝士味
▪️爽脆藤椒魚皮
呢個係我最期待既食物，非常爽口，雖然有藤椒，但係唔會令到嘴唇好麻。雖然呢個辣度比較高，但係會令人好過癮👍🏿
▪️雙拼(韭菜餃、雲吞)
每款有3粒，隻隻都非常飽滿，用料非常足夠，雲吞係會咬到隻蝦，而且湯底非常好味
▪️菜心苗、腩汁
份量不錯既菜心，加埋腩汁就更加好食，但好彩無過多腩汁，如果唔係就會好膩
