A4Noodle

我一向好鍾意食車仔麵，有日經過旺角見到有間新開嘅車仔麵，裝修幾靚，價錢又唔貴，於是入去試吓。

呢間車仔麵都幾有特色，除咗車仔麵之外，亦都有好多小食俾大家選擇。飲品方面，我哋試咗佢嘅港式奶茶，茶味香濃，值得一試。

跟住點左啲小食試吓，熱辣辣新鮮炸起，炸粉唔會太厚，很不錯。炸蠔炸得剛剛好，點埋個醬汁食一流👍🏻

另外，呢個南瓜薯餅亦都非常有驚喜，南瓜鮮甜，食到唔停口😂

終於到主角車仔麵，一碗嗌左腩肉魚腐蘿蔔芋絲配烏冬加腩汁，另一碗嗌咗糖心蛋蘿蔔魚腐魚肉春卷烏冬加沙嗲汁。糖心蛋好正，蘿蔔好鮮甜。個人鐘意沙嗲湯底多d，唔會太咸。再加埋蠔油生菜，食得非常滿足的一餐。