Si Dan

又係一間長洲特色小店屬於香港人既店！舖頭座位少，比較窄，所以如果假日時間黎應該都係需要等位。今次我就係星期五夜晚7點左右打電話去問有無位，好好彩仲有一個2人枱，即刻行過去👏🏻
店員好有禮貌，order完一陣就上菜，我地叫左三道菜，佢一次過就上晒枱，好細心咁每一道都會講解菜式同用既材料，佢出名就係蛋料理，咁就梗係要叫佢主打既卡邦尼意粉，炸蛋，同埋我地仲叫左個溫泉蛋薯蓉，三道料理都好食，黎到長洲絕對值得一試！

1

佢地既卡邦尼做法就係正宗蛋汁+芝士，唔同大部份餐廳係會加埋cream落去煮，所以食落感覺會比較濃稠，意粉係比較硬身少少，2個人share就ok，一個人食就會覺得膩，但芝士同個煙肉就好香

$80

見到幾新奇所以叫黎試下，點知出乎意料地幾好食，將溫泉蛋同薯蓉混好之後放係包上面一齊食，成個感覺好夾，加埋佢個松露醬少少提升左成個層次，絕對值得一試！

$42

1

就係高級版豬柳蛋，係好食既，因為啱啱炸好，脆脆咁配埋流心蛋，好難唔好食，配菜既薯條都唔馬虎，粗薯炸得好，新鮮重薯味！

$49