舖頭細細，但感覺都唔會好擠擁。
今次係我地第二次食，能保持水準！
上次都有食呢碗骨膠原bb撈拉麵，好少地方會有撈拉麵呢個選擇。拉麵味道濃郁，軟硬適中，佢有圖介紹先試曬咁多樣配料，再撈埋骨膠原食，最後可以加d胡椒同埋蒜蓉黎食。每樣配料都感覺新鮮好味，撈埋所有野一齊食又另有一番風味。值得一提係蒜蓉又真係出奇地同拉麵好夾，食落多左份香味，好好食！
呢款第一次食，係蕃茄湯底。佢既叉燒上面有微微燒過既芝士，味道好特別，又唔會蓋過叉燒原有既味道！ 湯底好濃，感覺到係真材實料，雖然唔係好食得出蕃茄既味，但個湯底都係好味既！ d配菜例如荀、蕃茄都好食！ 碗拉麵好大碗！ 份量好足夠！
呢度既拉麵選擇唔多，但好感覺到佢地既誠意，每一碗都食得出係足料用心製作既！ 值得去試！
