下站帖 (Closed)

三人行，叫左三杯過下口癮😚下站帖波霸厚醇奶($30)奶好厚滑，黑糖味都幾突出，兩者平衡得唔錯！而且珍珠彈牙，唔會太軟，我中意有得咬下咁😋不愧為top 1！日出蜜香紅奶蓋($36)岩鹽芝士奶蓋超厚身！超重既芝士鹹香味！紅茶底夠香濃，店員推介叫少糖，甜度真係岩岩好👍霸沏滿爆鮮果 （$35）原先諗住叫一個普通嘅果茶，點知帶黎重重驚喜！首先落柯打後見到後面職員即刻拎出原個生果黎切，無諗過台式飲品舖會用上新鮮水果，飲品用上百香果、柳橙、蘋果、菠蘿，再配上淡淡嘅綠茶，清新得黎亦有好豐富嘅果味，以呢個價錢用上真材實料真係超值！尼間鋪既老闆係台灣人，下單時都用普通話，但佢都聽得明廣東話。我就唔會願意花成個中排隊買野飲。尼間質素都唔錯，又未有人龍，值得一試。