Video
Read full review
2019-08-02
76 views
大埔多隱世小店，聽朋友講有依間專賣串燒同酒既餐廳，特登黎試下。餐廳細細間不過氣氛唔錯，幾適合同朋友坐一個夜晚食下野傾下計。Menu選擇都唔少，各類酒品都有，包括米酒同手工啤，可惜唔算好飲得，今次就無叫酒類，不過鍾意飲酒既朋友就唔好錯過。串燒既款式都好多，特別係海鮮既選擇，可算得係應有盡有。點左燒鰻魚，原條鰻魚份量十足，淋滿左醬汁，味道略鹹左d，不過勝在肉質鮮嫩肥美，十分和味。玉子燒燒得啱啱好，外皮香脆，口感厚實。豬頸肉夠大塊，肉質夠嫩又多汁。雞棒外脆內軟，口感特別。芝士焗雜菌，雜菌上面舖左一層薄芝士，有濃郁既芝士香，但又唔會太膩，不過雜菌出得太多水，食落味道偏淡。另外仲叫左牛舌、鵪鶉蛋同菠蘿，都係燒得啱啱好，十分香口。串燒有一定水準，價錢都算合理，想同朋友食下野、飲下酒、傾下計既話，依間餐廳都係個唔錯既選擇。
餐廳細細間不過氣氛唔錯，幾適合同朋友坐一個夜晚食下野傾下計。
Menu選擇都唔少，各類酒品都有，包括米酒同手工啤，可惜唔算好飲得，今次就無叫酒類，不過鍾意飲酒既朋友就唔好錯過。
串燒既款式都好多，特別係海鮮既選擇，可算得係應有盡有。
點左燒鰻魚，原條鰻魚份量十足，淋滿左醬汁，味道略鹹左d，不過勝在肉質鮮嫩肥美，十分和味。
玉子燒燒得啱啱好，外皮香脆，口感厚實。
豬頸肉夠大塊，肉質夠嫩又多汁。
雞棒外脆內軟，口感特別。
芝士焗雜菌，雜菌上面舖左一層薄芝士，有濃郁既芝士香，但又唔會太膩，不過雜菌出得太多水，食落味道偏淡。
另外仲叫左牛舌、鵪鶉蛋同菠蘿，都係燒得啱啱好，十分香口。
串燒有一定水準，價錢都算合理，想同朋友食下野、飲下酒、傾下計既話，依間餐廳都係個唔錯既選擇。
Post
