樂天皇朝 (Closed)

媽咪一向好鐘意食小籠包，今日下晏同佢係海港城行完街後，特登帶佢拎樂天皇朝試佢地好出名嘅皇朝小籠包~蔥花皮蛋豆腐豆腐盡顯師傅嘅刀工，豆腐切到好薄薄的一片，上面灑上切到細細粒嘅皮蛋， 豆腐綿滑，入口即溶， 加埋皮蛋，拌以酸酸甜甜嘅醬汁，口感味道都非常唔錯！薑汁豆炒芥蘭口感爽脆的芥蘭， 濃濃嘅薑汁味，仲有淡淡嘅酒味，令到芥蘭嘅香味更加昇華！而且芥蘭完全保持青綠及爽甜口感，可見師傅嘅廚藝！皇朝小籠包主角終於到場！八款味道包括原味、蟹粉、芝士、蒜香、人參、麻辣，仲有矜貴嘅鵝肝同黑松露！！每款都各有特色，黑松露超香，係我超愛❤ 而且每一個小籠包都有住精巧嘅18 摺，可見師傅嘅精湛手藝，媽咪都食到停唔到口~👍🏻鮑魚炒飯炒飯係以瓦窩上，所以上菜嘅時候仲係熱辣辣，而且香氣撲鼻。炒飯炒得乾身，不會過硬，但亦富煙韌口感， 鮑魚都算幾大隻，唔係鮑片， 而且質素唔錯咬落彈牙唔韌口，性價比幾高👍🏻