馬來屋星馬泰美食 (Closed)

商場附近都係得幾間舖，係門口入鋪之後有職員帶位就座，掃QR CODE落單，有個小插曲，職員冇換到張QR CODE，要等職員換咗先落，好彩落單之後嘢食都好快到。凍朱古力，$3（跟餐價）。 嚟到見到都算大杯，少冰都有少到，味道我認為係濃郁，覺得落咗好多可可粉嘅感覺，唔似出面好多個味都好淡。泰式豬頸肉飯，$58，豬頸肉味道正常，如果有炭燒味道會更好，豬頸肉分量可以再多啲。配豬頸肉個汁就酸酸甜甜，加上伴碟嘅芫荽同埋酸蘿蔔，兩種夾埋就俾到種開胃嘅感覺我。食飯環境幾好，埋單又可以俾到信用卡同其他payment，收銀個位職員態度幾好，有同顧客講歡迎再嚟。