Read full review
2020-03-04
654 views
呢日用🐼外送App睇下屋企附近有乜餐廳可以嗌，見到呢間令和小食自取有85折優惠喎！呀媽又話佢係新開，所以就試下啦😊。喺個App訂完餐，去到就已經有得拎，唔使等。小食店位於鯉魚門街市入面，唔使行好入就搵到。舖仔細細，有兩位女店員主理，估計一位負責樓面，另一位負責煮同煎炸。女店員(老闆?)遞外賣俾我嘅時候，仲好識做生意咁同我推銷，話佢哋工場準備整定啲Pack好嘅食物賣，等客人可以買定返屋企放入雪櫃，隨時整嚟食👍。我哋要咗咖哩汁魚麵🐟($36)，奉送一支天山雪菊！估唔到魚麵超好食，好彈牙，我感覺似用上百份百魚蛋製成，無加麵粉，好高質，夾埋咖哩汁食好正🤤。不過魚麵份量有啲少，唔夠喉，怪不得有加$10加底呢個選擇！另外，原來魚麵有跟餸的，兩粒牛丸、一粒福州魚蛋(有豬肉餡)同一粒魚棗。🐮牛魔王牛丸非常唔錯，但原價$30/5粒，真係太貴了！Btw枝雪菊都幾好飲，清清地，唔太甜😀。鱈魚粥🍚(大)($22)，呢個粥就正正常常啦，粥底夠綿，鱈魚煲溶哂，有少少味，但都係偏淡。整體我覺得唔需要特別試，除非好肚餓。黃金磚($22/11粒)，睇張單先知原來加送咗1粒俾我哋😆，果然好識做生意。我拎返屋企途中覺得都幾
呢日用🐼外送App睇下屋企附近有乜餐廳可以嗌，見到呢間令和小食自取有85折優惠喎！呀媽又話佢係新開，所以就試下啦😊。喺個App訂完餐，去到就已經有得拎，唔使等。小食店位於鯉魚門街市入面，唔使行好入就搵到。
舖仔細細，有兩位女店員主理，估計一位負責樓面，另一位負責煮同煎炸。女店員(老闆?)遞外賣俾我嘅時候，仲好識做生意咁同我推銷，話佢哋工場準備整定啲Pack好嘅食物賣，等客人可以買定返屋企放入雪櫃，隨時整嚟食👍。
咖哩汁魚麵
$36
98 views
2 likes
0 comments
鱈魚粥
$22
62 views
2 likes
0 comments
黃金磚
$22
87 views
2 likes
0 comments
黃金磚
$22
76 views
1 likes
0 comments
海鮮炸角
$22
63 views
2 likes
0 comments
炸物份量相當多，而且一次過又食唔到幾多，所以呢餐兩個人食唔哂🙈。
總括嚟講，我認為呢間小食店唔錯，值得一試！雖然喺街市入面，但就咁望落都乾淨衞生嘅。價錢就普普通通啦，炸物幾抵，但魚麵、粥同米粉類就一般，平均都$3x，始終都係似小食，份量偏少。不過咖哩汁魚麵真係十級好食😋，又有幾粒丸做餸同送雪菊，我一定會Encore！聽講白魚蛋都幾出名，下次試埋。最後，我真係幾欣賞女店員，因為佢好有禮貌同好有心經營呢間小食店。實不相瞞，我發現呢間小食店都係聽街坊講佢係撐香港人的店💛。
Post
