慈素小聚

Open Now

Now Closed

睇啲菜式名完全唔似素食，位於尖沙咀嘅樓上小店，屬於新派素菜~🔘台式叉燒刈包個包熱辣辣又軟熟，素肉叉燒醬汁甜甜地，仲有一塊好似雞肉嘅吉列素肉，整體好食~🔘香芒天婦羅炸豆腐口感香脆嘅炸豆腐，豆腐香滑，但味道清淡啲，加埋芒果醬汁一齊食就啱啱好~🔘意大利香草忌廉天使麵 菇味香濃嘅忌廉醬汁，天使面非常掛汁，配搭薄身嘅炸豬扒，當然都係素肉啦~ 🔘鮮竹蒸牛肉球賣相同味道都好似真嘅牛肉球，芫荽同果皮味都有，但口感始終冇咁彈牙，應該要出埋素肉燒賣，相信都多人會想試~🤣🤣🔘黑松露蘿蔔糕走肉嘅蘿蔔糕，煎得幾香口，點黑松露都幾好食~🔘珍貴苜蓿芽手卷不嬲都鍾意苜蓿芽嘅爽脆口感，呢個手卷除咗有牛油果仲加咗蒟蒻扮嘅三文魚~🔘百香芒果烏龍茶百香果同芒果平時配綠茶紅茶多，配搭烏龍茶又有另一番味道，特別濃郁嘅茶味，仲有好多果肉~唔好以為食素唔飽，呢餐非常飽😇😇