美味餃子店

第一次黎食既時候係趁住情人節，諗住邊有情侶會咁唔浪漫同人搭枱慶祝，點知最後都要排20分鐘以上。第二次黎食果陣都不例外要大排長龍。


不過佢既招牌韮菜真係好岩我心水。大大隻餃子包住香濃韮菜，雖然餃子皮有啲厚，但係一咬落去裡面咁多汁，又咁足料，所以仍然令我好滿意。


至於湯底，店家好有誠意用左野葛菜煲生魚豬骨湯，同行朋友超鍾意，但我就略厭清淡，但勝在性價比高，+$10就可以加一個麵底，最岩小資港女。


可惜座位好逼，唔岩三五知己吹水，食就就想快啲走。