津生堂 (Closed)

呢間開喺金雞隔離既小店，門面好細，本身以為只係一間涼茶鋪，點知有日行過見倒有芋圓甜品賣，價錢又唔貴，今晚就外賣左碗番屋企做宵夜。甜品系列主要分為豆花、仙草、糖水類同宇治抹茶。配料再揀芋頭、紅豆、蘆薈或者海底椰。而每款都會配有芋圓同地瓜圓。我今次就揀左芋頭豆花芋圓$25，白色圓球係豆腐味既冰，口感又有小小似雪糕，豆腐味好出。另外仲有一小舊芋泥，芋泥好綿蜜，好濃芋頭味，不過小啲啲甜就好喇芋圓地瓜圓都算煙韌，地瓜圓比較食倒蕃薯味，芋圓就淡味啲。豆腐花好重黃豆味，但我就覺得唔太滑。呢個價錢黎講，我絕對會再幫襯除左甜品見倒仲有紫薯同紅豆燒餅，睇個樣都好吸引，下次會買黎試下