燒邦特色燒烤 (Closed)

老闆搬咗去天后之後第一次去，食物同之前一樣好好味，老闆自己一手一腳揀海鮮同入貨，知道佢好用心整。海鮮好新鮮，並唔係雪藏貨。特別推介燒白鱔，厚切牛舌，一夜干，北寄貝，炸。。。等等，好多款串燒都好好味。亦可以問佢哋當日有咩介紹。同之前西灣河比，多咗燉湯同幾款小炒。店舖位置雖然唔係喺大街大巷，但勝在清靜，附近亦有地方泊車。用心制作的小店，一定會再返去食的!!店內位置唔多，建議先打電話留枱，如果天氣清涼的話，坐室外亦不錯。