Video
Read full review
2019-10-27
203 views
放工行過成日都見到大排長龍，今日咁岩喺荃灣呢度收工，一於嚟朝下聖！我食7:15至9:15呢個時段，我大概七點左右到，好彩都仲有位！每張枱都有一個燒烤爐，一個電磁爐，可以比食客同時烤肉之餘又可以打邊爐。我好欣賞佢呢個設計，因為食燒肉其實都會覺得有啲熱氣，咁就可以烚返啲蔬菜類平衡返，感覺健康好多，亦照顧到唔同人嘅需要。食物嘅種類真係有好多選擇，無論係熟食、前菜沙律、飲品甚至雪糕，都總會有一款啱你心水。食黃金時段嘅顧客仲會送一個燒肉拼盤，又有靚牛仲有蠔，真係值回票價！特別一提係我好鍾意佢有個花茶區，有玫瑰花、胎菊、山楂等等比顧客按自己嘅喜好沖黎飲，食飽飲返壺花茶消滯真係唔錯，亦睇得出店舖嘅用心👍🏼
我食7:15至9:15呢個時段，我大概七點左右到，好彩都仲有位！
每張枱都有一個燒烤爐，一個電磁爐，可以比食客同時烤肉之餘又可以打邊爐。我好欣賞佢呢個設計，因為食燒肉其實都會覺得有啲熱氣，咁就可以烚返啲蔬菜類平衡返，感覺健康好多，亦照顧到唔同人嘅需要。
食物嘅種類真係有好多選擇，無論係熟食、前菜沙律、飲品甚至雪糕，都總會有一款啱你心水。
食黃金時段嘅顧客仲會送一個燒肉拼盤，又有靚牛仲有蠔，真係值回票價！
特別一提係我好鍾意佢有個花茶區，有玫瑰花、胎菊、山楂等等比顧客按自己嘅喜好沖黎飲，食飽飲返壺花茶消滯真係唔錯，亦睇得出店舖嘅用心👍🏼
Post
