於是起佢考之前.就同佢黎左呢度食早餐.
我地1人叫左1個早餐.
男朋友好喜歡吃呢度既.班里尼包(panini)..
我個人就覺得呢個包有少少淡.
不過overall都不錯:)
另外 加左杯凍奶茶.(加$4)
呢度既凍奶茶.講真.真係麻麻地.
既冇奶味.又冇茶味. 而且還很甜很甜.
*精華所在就係呢度喇..
我地唔小心推跌左杯奶茶.
原本都真係唔係幾好意思. 整到人地既地方.
不過d waitress(間店d staff全部都係女人?)行過好似扮見唔到咁..
跟住仲行開哂...
(但係其實我地都倒哂成杯.-3- 周圍都係..企哂起度抺)
咁之後我大叫唔該啦..
個waitress好似唔多想理我地咁..
慢條斯理咁玀左幾張tissue比我算囉
洗唔洗咁!!!?
我又唔係突登倒瀉既!
杯野我地都係飲左幾啖咋!!
其他店就算唔過比杯新既你.都幫手抺丫.\_/."
但係呢度d人等到我地抺到咁上下.先玀d毛巾黎話等佢地抺喎..
叫我地坐過隔離喎-.- 你唔好等我地走先黎幫手!?
我叫左個早餐set. ($26) 要等 6-8分鐘
有粟米.有條腸.有塊疑似火腿.有個包.仲有個焗鮮奶蛋.
另外加左杯蘋果汁(都係加$4)
唔似係咪因為心情影響.1黎食得唔多開心.2黎d野食真係麻麻地.
腸.. 太咸
疑似火腿.. 好淡味.根本食唔到係咩黎.
所以只好繼續憑外觀叫佢做疑似火腿 -3-
焗鮮奶蛋.. 以為好特別.. 但其實係失敗作!!
成個唔知係焗得唔夠耐定咩事..
蛋自成一角熟左. 跟住1篤d 奶.
哇水汪汪-3- 我冇興趣食浸住鮮奶既蛋丫..
更何況ｄ奶仲要有香草同１浸油起面.. 有點兒那個..嘔心.
早知唔見呢個餐-3- 最吸引既地方變成最嚇人
由於男朋友趕住考試.所以叫佢走先.
所以佢都見唔到呢個咁失敗既*焗鮮奶蛋~
如果唔係.都可以比佢試下 xd 評下 xd 感受1下. xd
最後埋單.加一.
個waitress似乎仲係好唔gur.
找錢個陣.勁大力咁"pack"個牌就行開左.........................
起金鐘開都咁差service!
我地真係唔係突登倒瀉野!!太過份..
「今時今日咁既服務態度真係唔得！」
食到成肚氣! 哼!
