一鍋豐 (Closed)

好耐冇去一鍋豐喇。 今日一鍋豐爽食。 我地叫左268 象拔蚌海鮮火鍋餐。首先， 黎左個象拔蚌，新鮮又爽口！ 平時食過其他火鍋任食既象拔蚌都會腥腥地。 呢度上菜好快手， 我地食象拔蚌已經食得好快架啦。佢地上菜速度仲快。 好快已經擺到成台都係野食。收碟執台都好快， 我地每食完一碟， 轉個頭就好快有人收走左。個海鮮盆呢， 冇腥味，新鮮。 生蠔， 魚片， 飽魚，翡翠螺，蝦， 蜆， 等等。 其實人少d食個海鮮盆都已經飽晒。 份量足，牛肉新鮮， 仲要下下大大盆牛， 食到我地都叫救命， 有盆食唔晒。 手打蝦丸墨魚丸必試， 好夠味， 又彈牙。 我地幾個人食左幾個鐘， 就算好飽都要食埋甜品。 有蜜瓜軟雪糕！ 食左一大杯！總結， 呢間一鍋豐真係物超所值！