德國餐廳 (翠怡花園) (Moved) New Location

今日去咗大埔道行山 亂打亂撞之間發現原來得太和有條食街 入面超多嘢食 今日就食呢間德國菜 鋪仔細細好迫 但係坐得舒舒服 有小酒吧嘅感覺 叫左個春雞薯條 燒春雞炸得脆卜卜 夠大隻 肉質鮮嫩雞皮有香草味 薯條同樣地乾身 而且份量多 德國咸豬手 炸得好夠乾 隻豬手份量超大 而且細心咁起咗骨而同埋切開咗 好細心 個豬皮夠乾身 好似薯片咁脆卜卜而且唔油膩 配上下面嘅豬手肉 好多肉汁 味道適中 一齊食唔油膩 而且口感有層次 薯蓉係用咗甜番薯去做 配上特製嘅調味料 味道特別 加上酸洋蔥絲 配落咸豬手更加唔油膩 而且感覺正宗 香草醬煙三文魚意粉 上面有好多巴馬臣芝士碎同埋大大塊嘅煙三文魚 三文魚好鮮味 香草醬夠曬香口 而且味道豐富層次感重 配埋意粉一齊食好夾 兩個人食得咁豐富都係五百幾蚊 而且當中嘅鹹豬手整得超級出色 可以話係我喺香港食過最正宗嘅德國咸豬手