生記菜館 (Closed)

好多年前黎食過一次,印象中係唔太得..今次朋友話黎食,我又唔記得食過咪入左去再食囉...好想食煲仔飯,佢又好多款,又便..叫左個肉餅飯先,諗住煲仔飯要等好耐嘛..點知都不出10分鐘都黎到...唔係掛..有冇可能咁快呀,仲要係黎左個梅菜肉餅,下...我心諗係食咸魚肉餅架喎....佢又冇問,我又冇講明就算啦....個飯只係暖暖地,個豉油一大支放係台面比你任落,但係好杰呀...一d煲仔飯都唔似呀,我會覺得係一會整定晒係度囉....好唔掂啦...跟住叫左個蠔餅,我印象中食過一次,落左d豆瓣醬落去好咸o既...佢真係十年冇變,都係一樣囉..個醬好咸呀....蠔餅都炸到好乾身,好彩d蠔仔算大隻啦,但都係麻麻地....no good~仲有叫左個琵琶豆腐,我都幾鍾意食o既小菜...可惜丫...叫左好耐都冇黎,我估佢都係漏單啦,催左兩次,應該係即整啦...黎到係出晒煙咁...但個心唔熱架,凍凍地....唉...好失望~~唔會再有下次了!