Video
Read full review
2023-07-12
55 views
𝕋𝕙𝕚𝕤 𝕡𝕣𝕚𝕔𝕖, 𝕥𝕙𝕚𝕤 𝕗𝕠𝕠𝕕 𝕢𝕦𝕒𝕝𝕚𝕥𝕪, 𝕥𝕙𝕚𝕤 𝕤𝕖𝕣𝕧𝕚𝕔𝕖 𝕒𝕥𝕥𝕚𝕥𝕦𝕕𝕖, 𝕀 𝕨𝕒𝕤 𝕓𝕒𝕤𝕚𝕔𝕒𝕝𝕝𝕪 𝕚𝕟 𝕁𝕒𝕡𝕒𝕟🤲🏽本身好少食自助餐，又食得唔多野，仲要好多都無提供生蠔 ohno🙂。一知道中環開左間生蠔放題，即刻帶埋同樣大愛生蠔既👦🏽去食返餐。餐廳位置易搵，平時去開大館或者中環逛開都可以去試試🤟🏽。仲以為個半鐘放題應該時間好足夠⌚️，點知都有少少唔夠🙊，食物種類太多太豐富，仲未計你嗌無限追加既❇️牡蠣刺身、焗牡蠣 、焗元貝♨️。不過大家都唔好食得咁趕，要慢慢欣賞每一款食物既擺盤同埋食物既鮮味🧘🏽♂️。呢個套餐每位只係$598💡，包括以下各一份：🦐時令海鮮湯有小蠟燭🕯️熱住個茶壺，keep 住個溫度，湯入面有魚、蝦、帶子，幾鮮甜🌙。🥗火炙鰹魚刺身沙律鰹魚🐠火炙後味道濃郁，配埋沙律菜好清新。🇦🇺澳洲糖心鮑魚一向大愛鮑魚，呢個糖心版本又甜又煙韌，好想食多兩隻😋。🐟火炙味醂魚乾魚乾未到突出🥢，不過相對有d腍，如果脆口會更正。🦪喜多嬉牡蠣刺身套餐提供兩隻生蠔，面頭有蘿蔔蓉🥕同蔥，加少少檸檬汁🍋，非常鮮美。所以我地食完全部食物後，encore 左兩次🤓。🐚北海道
本身好少食自助餐，又食得唔多野，仲要好多都無提供生蠔 ohno🙂。一知道中環開左間生蠔放題，即刻帶埋同樣大愛生蠔既👦🏽去食返餐。餐廳位置易搵，平時去開大館或者中環逛開都可以去試試🤟🏽。
仲以為個半鐘放題應該時間好足夠⌚️，點知都有少少唔夠🙊，食物種類太多太豐富，仲未計你嗌無限追加既❇️牡蠣刺身、焗牡蠣 、焗元貝♨️。不過大家都唔好食得咁趕，要慢慢欣賞每一款食物既擺盤同埋食物既鮮味🧘🏽♂️。
呢個套餐每位只係$598💡，包括以下各一份：
🦐時令海鮮湯
有小蠟燭🕯️熱住個茶壺，keep 住個溫度，湯入面有魚、蝦、帶子，幾鮮甜🌙。
🥗火炙鰹魚刺身沙律
鰹魚🐠火炙後味道濃郁，配埋沙律菜好清新。
🇦🇺澳洲糖心鮑魚
一向大愛鮑魚，呢個糖心版本又甜又煙韌，好想食多兩隻😋。
🐟火炙味醂魚乾
魚乾未到突出🥢，不過相對有d腍，如果脆口會更正。
🦪喜多嬉牡蠣刺身
套餐提供兩隻生蠔，面頭有蘿蔔蓉🥕同蔥，加少少檸檬汁🍋，非常鮮美。所以我地食完全部食物後，encore 左兩次🤓。
🐚北海道元貝刺身
元貝放係貝殼上加埋魚子，吸睛得黎👀非常 refreshing，如果可以追加就完美🪩。
🍱喜多嬉懷石料理八品：油甘魚刺身 · 海膽蟹肉 · 燒鰻魚 · 蠔飯 · 雞肉棒 · 芝麻秋葵 · 沙律 · 羊羹
重點推介🧸油甘魚新鮮美味，蠔飯入味豐富，燒鰻魚皮脆肉嫩～羊羹都少見，原來係無味架🤫。
🍢串燒燒六品：大腿肉 · 七里香 · 雞心 · 豬頸肉 · 茄子 · 蕃薯
👦🏽喜歡肉肉，呢幾款串燒岩曬🤲🏽。而我特別鐘意雞心🐔，濃味但唔會油膩。茄子同番薯都係串燒常客，無得輸🍆。
🍖名古屋雞翼
芝麻雞翼外層脆，咬開之後d煙會飄出黎🔸，肉質唔錯。
🦪喜多嬉蒜香焗牡蠣
比起焗蠔，生蠔勝在多左份鮮味🧚🏼。而加左蒜蓉既焗蠔就夠香，鐘意呢份香味既朋友一定要瘋狂追加🤝🏽。
🐚北海道蒜香焗元貝
元貝大大粒，焗後都唔會話硬左，而裡面既水份都仲可以鎖住❄️，亦都可以追加架～
🫕松葉蟹舞茸五島手延烏冬
好耐無食幼身烏冬，texture 有咬口好滑，加埋松葉蟹🦀同舞茸🍄，細細碗已經好滿足。
🌸北海道葡萄酒雪芭
食左咁多美食之後，爭d唔記得仲有個甜品🙊。櫻花脆餅包住葡萄酒雪芭，賣相充滿日本風味🎌，雪芭係滿滿既葡萄酒味道但唔會太甜。另外旁邊有件黃豆粉小厥餅，非常煙韌🍡。
水果梳打🍹同汽水🥤都係任飲，我地嗌左白桃梳打🍑同柚子🍋梳打，唔算好甜都唔錯。不過如果餐廳提供熱茶會更好🐼，幫助消化嘛。
另外一讚係店員💁🏽♂️服務態度好好，而且會輕輕介紹每款食物🥚。
Post
