呢度嘅選擇分為刺身、壽司、卷物及燒物、鐵板燒及串燒、炸物及煮物、飯麵湯、前菜沙律及甜品7大類，合共87款選擇，好老實，選擇雖然唔多，但點都好過日、韓、台、泰款款都有，結果樣樣都麻麻哋。
雪場蟹腳
一坐低，餐廳就送上雪場蟹腳，除咗有濃濃嘅海水味，仲係啖啖肉㗎！肉質爽口，絲絲蟹肉，味道鮮甜。
刺身
2
連放題一向少見嘅油甘魚、劍魚腩都有，最重要係夠晒新鮮，好有口感。
壽司
壽司一向唔係放題人仕嘅熱點項目，但呢度嘅海膽壽司就不得不點！海膽嘅味道濃郁，連一向唔食海膽嘅M佬都一試難忘，好鮮甜呀！
燒物
至於4款燒魚都各有特色，我A姐就強烈推介銀鱈魚西京燒同蒲燒鰻魚！
銀鱈魚西京燒
銀鱈魚嘅魚肉好滑，魚味好豐富，最重要係個外皮燒到脆卜卜，燒香之後油脂豐富。
蒲燒鰻魚
鰻魚肉夠晒厚，連少少碎骨都無，當然，個鰻魚汁調味啱啱好！
燒牛舌
厚切嘅牛舌好有口感，好惹味！
最後食埋甜品，呢餐真係非常唔錯！
