所以食嘢同埋行街買嘢都多咗喺海港城.
見到啲coupon差唔多到期又唔知買乜好.
見到呢間曲奇可以用$50嘅美食購物券.
要買滿$100先用到所以買咗3塊曲奇🍪
1
-double chocolate
-brownie filled chocolate chips
-red velvet white chocolate
返到屋企打開見到實物真係嚇親.
比想像中大塊.第一次買咁大塊嘅曲奇.
朱古力味還好.但係曲奇都比較軟身容易散.
曲奇入邊仲有好多一粒粒朱古力係無溶.
所以口感ok.整體就相對上無其他咁甜.但都好甜.
而另外一塊個brownie就係喺曲奇嘅中間.
但都真係好甜.分開四五次食先食得晒.
果塊白朱古力曲奇就甜到真係………
食咗兩啖食唔到落去!
總結 :
咁講真我都係因為有優惠券想用左佢.我先會買
每塊都係$40所以總共$120.
用咗優惠券減左$50.總共70/3塊
你咁大塊來講20幾蚊一塊係抵嘅.
但係真係甜到唔係一般人食得到.
大多數既香港人都好注重健康.會少甜少鹽.
所以我覺得唔係幾適合大部份嘅香港人.
但當然食得甜嘅會好鍾意.我個人就唔ok.
但係其實食得咁多甜野對身體都唔係幾好.
所以我就一定唔會再買第二次啦!
