食完哩間野都想打下食評...投訴同埋話俾大家知唔好再黎哩間野~
點知入到黎睇一睇食評, 已經有幾位慘遭毒手o既客人同我地o既遭遇係一模一樣!!
叫左o既野食, 永世都唔會到~!! Waiter側側膊, 兩頭望! 唔知忙乜Q!!
食物質一般都算數...每個order三吹四請都未必有!!~~
好彩係任食$138~ 因為埋單時見佢張單長過水蛇春~ 一半有多都無上過我地張枱!!~
貴野, $138 無得食~~ cheap野叫極都唔到!!~ 吹完又吹~ 全晚食得最多都係玉子sushi
叫左個咖喱湯底可以完全有色無味~ 4種醬料3種無味~~ 完全比唔上其他旺角中心地段o既餐廳! 我真係未試過o係一間餐廳入面, 等仲多過食~ 等佔左個幾鐘, 食, 食得15分鐘!
我相信好多人都有叫果個自制拉麵~ 但我坐足兩個鐘, 吹左不下5次~ 到最後都係得個吉!!~~
唔知點解無得賣, 又唔出聲話無!! 一味拖住你, 拖你兩個鐘以為有得食, 點知都係無!!
唔明白佢地咩心態~~ 幾個疑似老闆o既物體坐埋一邊細聲講 大聲讚自己餐廳爆場~ 佢都唔知間餐廳發生緊乜事~ 遲早爆鑊就真~~!!
我~ 係絕對唔會再去哩一間鍋一燒食野~~ 大家都唔好去~ 如果唔係真正一鑊熟!!!~:(
