珍寶王國 (Closed)

又是N年未來過的地方，今次有人擺婚宴，才會山長水遠的過來，我今次真是非常俾面。每次什麼的婚宴、壽酒來來去去都是由乳豬全身，食到最後一打大鮮橙的飯後果。今次我最欣賞係老虎班，在喜慶宴會中鮮有食到咁嫩滑的。乳豬切了個pat pat位置，少了三份一，感覺上唔夠大體。燒雞都唔錯，皮夠脆。第一次飲婚宴有白灼蝦，都ok，蝦肉都算爽，但沒有蝦膏。蟹黃翅，我食唔到蟹肉，竟然食到好多蝦肉。冬菇鮑片-鮑片細細塊，又瘀瘀黑黑；冬菇雖厚身，但完全冇冬菇香味。美點雙輝又凍又硬的煎堆仔及合桃酥，好像是過期隔夜的。糖水不是普通的紅豆沙，是花生西米露，冇花生香味，質地好浠。我唔知每席多少錢，如果係最低價的，真係冇話可說，可能將貨就價、一分價錢一份貨。不過服務就非常唔掂，負責我個圍的侍應唔得醒目、做野又慢，眼見其他的都唔係好好。而且出菜次序好混亂，仲差過一般的酒樓。