我叫咗個蠔仔飯+紅豆冰 冇諗過咁樣都可以食到一肚氣
一上嚟杯紅豆冰啲紅豆係酸嘅，我就同姐姐講
佢頭埋嚟就話:今日買咗全日都係用緊同一兜 得你一個話酸
第一，我唔會呃你嗰幾蚊 亦都只係照直反映
第二，冇人同你講過唔代表唔係酸咗
第三，你賣咗全日都係同一兜 儲存不當，酸咗係有幾出奇？
Okay,之後轉咗杯凍華田。除咗玩嘢之外，我諗唔到咩原因杯嘢會係咁嘅顏色 仲要清過水。
接住落嚟仲過分，雞乸咁大塊蠔殼真係睇唔到？
啲飯一舊舊，一睇就知係未解凍完成嘅隔夜飯。
真係嘅，既然冇心做 不如執咗佢算啦。而家係食安問題唔係單純一樣嘢唔好食！
真係冇試過嬲到要打成200字食評，食完腸胃炎要睇醫生嘅話我唯有報食環。
