路過尖沙咀呢間開咗冇耐嘅酒吧Bilibarla,玩食字唔錯喎，串燒多款式燒得幾好味，價錢又唔貴，約朋友又多一個地方。星期四五仲有live music可以點歌，人多仲可以book 房唱k。
飲品點咗⭐️熱情挑逗同⭐️彌猴跳動，分別系熱情果梳打同埋奇異果梳打，果味香甜又有梳打水嘅爽。
大推充滿特色嘅⭐️汁燒原隻魷魚版，香噴噴鹹香滿滿，賣相一流好搶fo, 非常好咬口。另外，小食⭐️銷魂麻辣和牛面頰絕對不能唔錯過。
串燒最平十蚊就有喇，就係佢個⭐️鹽燒五花肉，既可口又有濃郁肉香。款式方面真係好多，一次過食牛肋肉/羊肉/牛舌尖／雞頸肉／雞翼／雞肩肉／羊肉排等等，適合曬肉控，不同燒法和調味恰到好處。 另外，都叫咗個燒蝦， 增加品類豐富度。
個人大愛⭐️蒜蓉燒生蠔香氣令人食指大動，仲有⭐️蒜蓉燒原條茄子，調味出色茄肉軟綿。算容控不能錯過。
炸物方面，都做得幾出色。⭐️溶岩炸蝦球外脆內嫩，⭐️芝士年糕食落香脆又煙韌，仲有個⭐️炸紫芯香芋丸甜甜哋充滿芋香。
真心懷疑呢間其實系俾酒吧耽誤咗嘢串燒店🤣
