Video
Read full review
2022-09-17
184 views
想帶狗狗到Hooment，等佢建立下啲社交生活，就諗起不如嚟呢間餐廳食嘢，一嚟就近，二嚟呢度的室外位置的空間感都ok。意外的係，店員話可以帶埋狗狗入餐廳裡面坐！！啊，而家日日30幾度，有冷氣涼的話，狗狗真係暢快好多架~~原來餐廳闢咗一個區域，俾狗主帶埋狗狗用餐，而且仲有屏風添。侍應見到我隻狗狗入餐廳後，有一檯客的狗狗鬧情緒，佢就即時用屏風隔開咗我哋兩張檯。眼不見為淨，好快對方的狗狗就冷靜落嚟，而且大家都可以享受到私人空間，呢點實在太為狗主設想喇點咗2個下午茶餐：自家製蛋糕同埋雞肉凱撒沙律下午茶餐，而跟餐的飲品就補差價轉咗朱古力咖啡同埋藍莓乳酸梳打。自家製蛋糕係藍苺芝士餅，賣相幾靚。芝士餅都幾大件，係凍芝士餅，應該係冇焗過既。佢的質感比較軟，味道較清淡，餅裡面有啲藍苺。芝士餅雖然唔係話有太大驚喜，但亦冇令人失望，質素同價錢成正比（下午茶餐$48）。雞肉凱撒沙律的沙律菜有啲凍，個dressing重手咗少少，醬比較多，有少少膩。不過呢個餐係狗狗爸爸點，而我只係試咗幾片菜葉，所以整體係點其實我都唔太清楚。至於2杯飲品，我覺得朱古力咖啡一般，而藍莓乳酪梳打就幾好味，乳酪味幾重，重好消暑添，值得加
原來餐廳闢咗一個區域，俾狗主帶埋狗狗用餐，而且仲有屏風添。侍應見到我隻狗狗入餐廳後，有一檯客的狗狗鬧情緒，佢就即時用屏風隔開咗我哋兩張檯。眼不見為淨，好快對方的狗狗就冷靜落嚟，而且大家都可以享受到私人空間，呢點實在太為狗主設想喇
點咗2個下午茶餐：自家製蛋糕同埋雞肉凱撒沙律下午茶餐，而跟餐的飲品就補差價轉咗朱古力咖啡同埋藍莓乳酸梳打。
自家製蛋糕係藍苺芝士餅，賣相幾靚。芝士餅都幾大件，係凍芝士餅，應該係冇焗過既。佢的質感比較軟，味道較清淡，餅裡面有啲藍苺。芝士餅雖然唔係話有太大驚喜，但亦冇令人失望，質素同價錢成正比（下午茶餐$48）。
雞肉凱撒沙律的沙律菜有啲凍，個dressing重手咗少少，醬比較多，有少少膩。不過呢個餐係狗狗爸爸點，而我只係試咗幾片菜葉，所以整體係點其實我都唔太清楚。
至於2杯飲品，我覺得朱古力咖啡一般，而藍莓乳酪梳打就幾好味，乳酪味幾重，重好消暑添，值得加錢試下。
呢間餐廳我覺得狗主真係可以嚟試下。首先，佢的食物價錢好相宜，下午茶餐都係~$50-60；侍應的服務態度好好，例如：我想要啲冰，令狗狗可以飲冷水，餐廳亦會提供；餐廳有指定區域可以俾狗狗坐喺室內，地方寛敞，而檯與檯之間距離足夠，仲可以按需要加埋屏風做分隔，其實就算係寵物友善餐廳，都冇乜邊間會咁貼心；食物不過不失，凍特飲更加唔錯。嗯，帶得狗狗去餐廳食嘢，主人一般都係顧隻狗多過顧自己，所以我覺得呢度都算係一個好地方呀！
Post
