Urban City Diner (Closed)

星期六日就多數晏起身，想食早餐就要趕係11點前去到，今次俾我啱啱趕到去到仲可以叫到早餐，但係就已經無哂湯粉，咁就唯有叫個普通炒蛋餐試下。炒蛋咁普通既野食，完全食得到依間餐廳係有質素既，食落蛋味濃郁，半熟既質地滑口，最重要係唔會好似大家樂咁落重牛油咁重口味又油膩。牛角包香脆可口有層次，urban既麵包有質素就好多人知，每日新鮮出爐，款式又多，所以好多人欣賞。有餡既牛角包都係必試既，餡料豐富富加上新鮮牛角包，包你唔會失望。加上餐廳環境舒適，酒吧格局，上晝可以當cafe, 夜晚就酒吧，東涌既好選擇。