Video
Read full review
2024-03-09
66 views
Thu 7 Mar 2024 有啲凳佢唔抵。呢度周圍都係餐廳仔，好旺，但最旺排晒隊嘅，唔係佢。呼籲大家去呢度試吓俾個機會佢。首先，而家呢啲天氣，坐喺出邊嗰2張枱真係好chill。係佢哋嘅獨有。學生、醫務人員有折頭，雖然只係九折，但係誠意足夠。就算唔係學生或者醫務人員，支持呢啲小店就間接支持佢哋 （all things matter)。出品真材實料冇揸流攤。簡單如淨雲吞，皮滑有蛋味，蝦有蝦味（唔係講笑，同嗰啲專才開嘅雲吞麵舖好食好多），湯底原汁原味、鋪上蝦子、魚仔乾、蔥花，無元素表，成碗飲晒一滴都冇剩。呢個質素可能要去 香宮 先食得到（當然 香宮 有好多add-on value 呢度做唔到）。但係香宮唔會識得送杯細細嘅菊花茶（冇用質疑自家製）俾你先清下個味蕾。炸蠔餅。香脆爽口唔會肥溜溜、蛋香、剛剛炸到外脆邊內金黃、蠔仔粒粒肥嘟嘟，芫荽新鮮醒神香口。同大排檔嗰啲萬年油肥立立淨係食冇味炸粉根本就冇得fight。食唔返轉頭。菜心。好靚，好新鮮，脆口鮮甜，加上上好嘅乾瑤柱，佢哋唔係裝飾嚟，係真係畫龍都要點睛先至完美。你自己去街市睇吓 靚仔醒神新鮮嘅菜心幾多錢斤，然後斬頭去尾+似樣嘅乾瑤柱，你就會
有啲凳佢唔抵。呢度周圍都係餐廳仔，好旺，但最旺排晒隊嘅，唔係佢。呼籲大家去呢度試吓俾個機會佢。
首先，而家呢啲天氣，坐喺出邊嗰2張枱真係好chill。係佢哋嘅獨有。學生、醫務人員有折頭，雖然只係九折，但係誠意足夠。就算唔係學生或者醫務人員，支持呢啲小店就間接支持佢哋 （all things matter)。
出品真材實料冇揸流攤。簡單如淨雲吞，皮滑有蛋味，蝦有蝦味（唔係講笑，同嗰啲專才開嘅雲吞麵舖好食好多），湯底原汁原味、鋪上蝦子、魚仔乾、蔥花，無元素表，成碗飲晒一滴都冇剩。呢個質素可能要去 香宮 先食得到（當然 香宮 有好多add-on value 呢度做唔到）。但係香宮唔會識得送杯細細嘅菊花茶（冇用質疑自家製）俾你先清下個味蕾。
炸蠔餅。香脆爽口唔會肥溜溜、蛋香、剛剛炸到外脆邊內金黃、蠔仔粒粒肥嘟嘟，芫荽新鮮醒神香口。同大排檔嗰啲萬年油肥立立淨係食冇味炸粉根本就冇得fight。食唔返轉頭。
菜心。好靚，好新鮮，脆口鮮甜，加上上好嘅乾瑤柱，佢哋唔係裝飾嚟，係真係畫龍都要點睛先至完美。你自己去街市睇吓 靚仔醒神新鮮嘅菜心幾多錢斤，然後斬頭去尾+似樣嘅乾瑤柱，你就會驚覺呢一碟菜心一啲都唔貴。
其他嘢都唔使講。去一次，俾個機會自己。就算伏都係復一次。
Post
