蘭芳園 (Closed)

搭船過澳門，來到上環信德中心一定去蘭芳園坐坐，食少少嘢，今日中午先出發，嚟到食個午餐先。好彩唔多人，唔使排隊。港式地道茶餐廳，有好多唔同嘅燒味，阿女揀咗薯仔蕃茄湯底豬扒通粉，我自己好想食撈丁，叫咗個龍蝦汁雞扒撈丁，老公叫咗個午餐~咖哩牛腩飯。碗蕃茄湯通粉都幾細碗，豬扒份量都夠，蕃茄湯底好醒胃，阿女尚算滿意。龍蝦汁雞扒撈丁有啲奇怪，個汁係白色，我都聽到後面個食客問個店員，究竟係龍蝦汁定白汁，當然，答案係龍蝦汁啦，真係有啲失望。Anyway 都幾好食，唔錯嘅。老公個咖哩牛腩飯最正常，牛腩大大件， 炆得好淋，咖哩汁唔算辣。凍飲加三蚊，叫咗少冰依然多冰。整體上一般啦，已經冇曬驚喜。