Woke (Under Renovation)

呢一間位於中環嘅餐廳，主打CBD餐飲，成個環境好舒服，餐廳裝潢都幾高級，最重要係啲侍應好有禮貌，無論係擺盤定係refill水，都感受到佢哋好專業。自己嗰日點左一個lunch set, 價錢由$200至$400左右，每一道菜色都好用心機。Starter 係以蟹為主嘅菜色，蟹肉入邊用薑去烹調，味道有啲似薑蓉，但係又食到蟹嘅鮮甜味！上面嘅三文魚子都好新鮮，味道都幾夾！蘑菇湯一上菜嘅時候我都有啲嚇親，以為係嗰啲忌廉湯。但冇諗過竟然係羊肚菇，味道飲落去有少少中式，但係味道好甜好清！最後講吓佢呢個和牛main dish, 上面鵝肝慕絲同洋蔥，味道同口感都好特別，和牛煎得啱啱好，接近三成嘅熟成度，亦都唔難咬開。