Video
Read full review
2010-08-09
12 views
一早知道呢間餐廳以食"炸吉列朱扒"聞名, 一個月之前已經同兩個friends黎食過, 覺得真係唔錯, 而老公一向都鍾意食吉丁朱扒, 一路都諗要同老公黎食多次, 咁啱星期六要同老公去尖沙咀, 所以就星期五book定位喇!原本book左檯8點鐘, 但係我同老公早左成大半個鐘到, 諗住搏下睇下俾唔俾我地早d入場, 服務真係唔錯, 門口位姐姐好禮貌咁叫我地等等, 幫我地check下有無檯, 跟住唔駛5分鐘, 我地就可以入坐.之前同兩個friends食, 已經試過吉列朱柳定食(HK$178), 炸蠔定食(HK$178)炸帶子定食(HK$178) 同埋炸大蝦(單叫, HK$40/隻), 而我對炸蠔更加係"驚為天人" , 其實本身我唔係海鮮fans, 唔係特別鍾意食海鮮, 但係呢度嘅炸蠔真係必食之選, d蠔肥美, 加上炸嘅時間拿掐得好, 外面好脆而入面超juicy(我而家諗起都流口水呀), so, 今次我同老公都不作他選- 叫左"炸蠔定食", "炸朱扒定食"(HK$168)同埋一隻炸大蝦.第一個黎係單叫嘅炸大蝦, 由我老公一個人KO左, 雖然隻蝦唔係好大隻, 味道新鮮彈牙,都值得一試, 不過係貴左少
原本book左檯8點鐘, 但係我同老公早左成大半個鐘到, 諗住搏下睇下俾唔俾我地早d入場, 服務真係唔錯, 門口位姐姐好禮貌咁叫我地等等, 幫我地check下有無檯, 跟住唔駛5分鐘, 我地就可以入坐.
之前同兩個friends食, 已經試過吉列朱柳定食(HK$178), 炸蠔定食(HK$178)炸帶子定食(HK$178) 同埋炸大蝦(單叫, HK$40/隻), 而我對炸蠔更加係"驚為天人" , 其實本身我唔係海鮮fans, 唔係特別鍾意食海鮮, 但係呢度嘅炸蠔真係必食之選, d蠔肥美, 加上炸嘅時間拿掐得好, 外面好脆而入面超juicy(我而家諗起都流口水呀), so, 今次我同老公都不作他選- 叫左"炸蠔定食", "炸朱扒定食"(HK$168)同埋一隻炸大蝦.
第一個黎係單叫嘅炸大蝦, 由我老公一個人KO左, 雖然隻蝦唔係好大隻, 味道新鮮彈牙,都值得一試, 不過係貴左少少囉! 跟住黎嘅就係期待已久嘅炸蠔定食喇, 一客定食有5隻蠔, 我地緊係急不及待試啦, 唔.......好味道, 水準依然! 外脆內軟, Juicy多汁, 個炸漿又唔會好厚, 啱啱好, 咬嘅時候記住要小心d汁呀, 好鬼熱架!最後就係炸朱扒定食喇, 我地揀左黑豚, 上次我食炸朱柳, 今次就試炸朱扒, 比較起黎, 我覺得炸朱扒好食d, 因為個口感好d (朱扒厚過朱柳都幾多架), 同埋朱扒個肉味好似"出"d, 我老公就覺得個朱扒有d"蘇", 我就覺得OK喎!
我之前都試過銅鑼灣世貿好出名個間吉列朱扒專門店, 比較上黎, 我覺得銀座梅林好食d同埋價錢實惠d, 最緊要係銀座梅林有得book位, 世貿個間等位都要等成一個鐘以上架, 如果你都係鍾意食"吉列"嘅食家, 我極力推介- 銀座梅林, 記住一定要食炸蠔呀, 包你一試難忘!
Post