榮式燒雞扒 (希雲街)

Open Now

Now Closed

至從榮式搬左新舖之後第一次幫襯，餐廳空間比舊舖寬敞好多，座位多左坐得都舒服，冷氣抽風亦比以前足夠，埋邊牆身由9部電視組成，相當架勢，整體裝修感覺好時尚好彩搬咗新舖之後食物質素冇改變到，每次必點嘅都係榮式雞扒飯兩大塊長長嘅雞扒，面頭鋪有黑椒粒，配埋秘製醬汁，好看好惹味！雞扒咬落好多汁，肉質亦好嫩滑，而雞皮就好薄好脆，忍唔住都會食埋。飯嘅份量好多，最喜歡配埋旁邊嘅蔥油撈黎食，好香好夾。晚市可以半價加飲品，都幾抵，奶茶少甜唔會無茶味，質素唔錯。