譚仔雲南米線 (囍逸)

Open Now

Now Closed

晚上途經粉嶺聯和墟, 就入咗去譚仔呢間食晚餐。餐廳地方唔算好大， 但係都冇話佢有好多人等住排隊食， 唔似上水中心嗰間次次都要排隊， 一入去就坐低咗，叫咗一碗過橋米線一個海帶牛蒡白切肉。海帶牛蒡白切肉唔知係咪新出品呢，之前好似冇見過有呢款食物喺個menu度，對比起蒜泥白肉好鍾意食呢款多啲，佢嘅白切肉唔係成塊成塊上嘅，而係切到一條條細細條咁樣，食完嘢都唔會成口蒜頭味。過橋米線就嗌咗香茜皮蛋魚湯五小辣，不過不失咁啦，下次可以嘗試下三小辣，材料豐富。其實當時已經係差唔多九點嘅時間，最後我食到去9點40分，喺佢哋嘅清場嘅時間，但係食嘅時候佢哋一路都冇吹我哋走，值得表揚。