RIVA AND THE DECK

今晚同朋友黎左呢度慶祝生日，最大原因其實都係因為有member card 有50% off，我早左 5 日打黎book位，request要窗邊位，佢同我講話無哂habour view，但今日又安排到俾我wor，真係好啦。

一進去有人在彈鋼琴伴奏，真的是很好氣氛呢，還記得侍應奉上生日蛋糕時，他隨即彈奏了生日歌呢，真是感激他!

老實說，食物真的麻麻，普普通通。我想講我覺得籃麵包好鬼難食，超硬而且無咩味，我係泰國state tower食個bread basket係超好食，佢有 8 款係8款都好好食，今晚呢籃真係非常唔好食。其他水準其實我覺得都算不過不失，即係無咩邊樣特別好。我地頭盤食左阿拉斯加蟹腳同埋蝦，都係無咩特別。之後佢個青口湯反而幾好飲，有好多南瓜蓉，個口感好rich。而且好濃味，所以幾好飲。

Main course我地 2 個都係要左三文魚，只係唔同煮法，都算係整得幾滑既，有d鹽同黑椒係面都幾惹味。最後個dessert我唔記得左係咩，真係唔好意思，但係都幾好食既。即係會令你食完都會想繼續食落去。

但我覺得我都願意付出價錢係因為個環境同氣氛囉，因為個view真係無敵一百分，對到維港正一正，而且佢成個氣氛都幾好，唔係話勁formal，即係你講野大聲少少都唔會有人話你，基本上個度食野既人講野都幾大聲..... 同埋佢服務都好好，我地個蛋糕食唔哂，想佢幫我地分開裝，佢見我地個袋裝唔到咁大個盒，都特登幫我地轉個個細盒，雖然我俾左百幾蚊切餅費，但有時D人都無咁細心架嘛，所以都算係咁架啦。

我諗我都會願意有下次。