漁牧 (Closed)

之前已經食過漁牧嘅辣嘢，今日就食返啲清淡啲。每次嚟都覺得呢到好靚，難得有間中式餐廳係適合打咭。坐位都好寬敞，中午多人都一樣坐得舒服。魚湯浸時蔬$83菜芯好淋，但喺仲保持翠綠 😋。鮮蝦楊州炒飯$98啲飯粒粒分明，配料足，隻蝦仲好大隻爽口。養顏花膠雞煲 $368雞煲上枱後要煮一陣，等嘅時候都聞到陣陣香氣。花膠比相像中多，煮得好淋好入味。而雞肉都幾嫩滑，成煲都充滿膠質，正。食飯中途有個小插曲，雞煲等咗好耐都未有。好彩店員都好好，即刻幫我跟返，態度仲好好，值得一讚。