呢間鋪好受歡迎，日日都有人排隊。
Order「燒汁豚肉野菜便當」，諗住一定好安全，有燒汁嘅食物，點整都會好味啦。
拎到返office，set好張檯，洗手預備開餐。
一打開，哇！好colourful, 好靚呀！
隻雞蛋係日本蛋，浸過醬油，仲有少少流心，好食！
野菜份量都唔小，見到咁多種顏色，即刻覺得營養豐富，都好味嘅。
白飯溝左紅米，健康之選。讚！
主菜燒汁豚肉⋯ 燒汁呢喂？點解炸到咁乾嘅，仲一滴汁都無，係咪我誤會咗啲嘢呀？
整體都ok嘅，乾咗少少，唔鞋口嘅，只係無expect過原來係炸豬肉條
下次都可以再幫襯，試第二樣，順便問下燒汁豚肉嘅燒汁去咗邊🥲
