燒肉牛蔵 (Closed)

放題午市食會比較健康，所以今日中午黎左isquare 7樓呢層專門食牛嘅地方，食燒肉放題！今日我地揀左和牛燒肉放題。不得了首先和牛頭盤已經超級吸精，有齊唔同部位嘅和牛，仲要每塊都好厚切，淨係呢碟，係出面已經可以幾百蚊！輕易回本啊。跟住我地點左蝦、帶子、螺，大大隻，比我地想像中新鮮而且肉質鮮嫩～我地encore左幾次。蔬菜類方面我地點左幾種菇同埋矮瓜，仲有超袖珍紫薯。個紫薯好好食，好甜，我都係第一次食，都幾特別。矮瓜係連埋菠蘿一齊上，個菠蘿新鮮大塊，不過好酸。飲品方面飲品有酒精同無酒精，無酒精都同普通放題差唔多，酒精有清酒梅酒啤酒紅酒，差唔多一半酒精飲品，好多選擇，岩晒中意飲酒的人。甜品方面甜品有好多選擇，有hagen danz雪糕，豆腐花，仲有其他慕絲同鯛魚燒。呢度裝修好高級嘅感覺，而且有大量卡位，都幾闊落，坐得好舒服。服務員又親切，會同你講解。呢度一坐低每台都會有張qr code，掃描落order。