正宗上海生煎皇 (Closed)

近排見到，很多傳媒，都推介生煎包。本來想食下沙律，去對面間鋪試吓。不過路經呢一間舖，就跑入去試一試吧。中午時間，成條街都係人，難免間間餐廳都有人在門外等候。入去坐低一試。事實上，60幾蚊，一籠生煎包/小籠包，加1個麵食，仲送一杯野飲。現今社會，套餐價算係咁！相信賣點在於，小籠包和生煎包，都係即叫即蒸，所以事實上，嘢食真係新鮮。起碼你expect嘅，佢都整得上。生煎包固然多肉汁，底亦是煎出嚟的香口。小籠包真係同鼎泰豐嘅好似冇乜分別。皮薄，喊靚，肉汁多。其實真係冇得挑剔。叫咗碗四川擔擔麵，固然之擔擔麵，加咗劈花生醬，花生味濃郁。亦都食得出入邊有花椒，所以有些微辣嘅感覺。叫咗個豬扒麵，豬扒亦煮得非常好食，算係有豬肉味，有質感，香口，軟滑，好味。始終去邊度食麵都一樣，硬係覺得個麵比較硬。都係果句，$60零蚊一個套餐，質素算係唔差。亦可以見到周圍，好多人喜愛叫豬扒菜飯。