宅麵專門店 (Closed)

本人第一次去此店,已經感覺不快,因著在這些聖誕節日此店還不用等位,便試試。點知碗麵又細碗湯底又咸，柸＂熱北海道紅豆抹茶拿鐵＂又唔熱又好甜。服務態度又差，問佢柸熱飲有幾大柸，佢回答，比柸大嘅透明柸你，點知又唔係大柸，前言不對後語。到我差不多走，我便拎張一百蚊紙出來，一邊打WS。佢便過來問我，你走啦河？我話差唔多，你又知嘅！佢話我見你拎張一百蚊出來...佢跟手遞張單來話：一百蚊，佢一邊又叫你坐多陣啦！我話又會咁啱啱好一百蚊嘅！跟住我望到張單原來係一百蚊零一亳，我就話：呀！原來踭一亳。間舖已經夠細咖啦！跟住佢重大大聲話：唔洗啦！費事花時間！佢又一邊又叫你坐多陣啦！我聽到佢咁樣講便知咩事便起身走，感到不快同鑑介，出到門另轉頭望見到佢叫坐另一邊兩個客人坐去我坐嘅位，我未走嘅時候，我坐嘅位置隔離都有兩個位係空。前言不對後語，一邊扮有禮貌一邊趕客走，其實佢可以直接講話唔好意思！有人想坐你嘅位，可否讓坐，坐前或後一個位呢？咁咪OK囉！真係唔好feel，尤其是係依啲節日發生，唔會再幫襯佢，無下次！