潮成園手打魚蛋大王 (谷亭街) (Closed)

上星期五晚大約九點行過, 因為唔想食太飽所以就走了入來.隔離舖都係粉麵舖, (隔離舖有40蚊的套餐, 包括粉麵, 菜, 飲品), 而潮成園就係出面寫住食粉麵送飲品, 入到去先發現原來粉麵的價錢好便宜的, 一般丸類粉麵24蚊, 牛什/牛腩粉26蚊, 仲包凍熱飲品.牛什米 : 26蚊,  26蚊的收費包飲品基本上都無乜期望的, 但都要俾下意見米粉, 從未食過甘濕碎的米粉, 熔熔爛爛， 唔知點形容,  反正食幾啖已經唔想再食的口感.湯底 : 算罷啦, 應該就係煮魚蛋牛丸的水, 加點腩汁.牛什 : 細件一般貨仔， 牛肺比較好食但好細件, 其他的偏咸凍奶茶 ： 好多冰， 叫少甜真係少甜。另外叫了一碟炸魚皮， １５蚊， 但１５蚊只得４塊炸魚皮， 我特登問阿姐呢碟係咪１５蚊的 （因為有些粉麵店有小碟的)， 阿姐話係， 我都唔多再講了環境 : 地方叫光猛, 枱面亦算係干淨, 服務 : 沖茶都係樓面阿姐做的, 叫凍茶少甜, 真係做到少甜, 不過就太多冰.總結 ： 試一次就好的店舖， 唔會再有下次。