珍苑麵家 (Closed)

響舊舖已經經常去食，雞翼/豬手/水餃/墨丸/牛筋，每次選兩款，唔同配搭，款款都好味，不過舊店不定期休息，次次想食前都要打去問下有無開門...

知道新舖開左，當然繼續幫襯！
不過得番好好人既黑叔叔響度做，肥叔叔同埋阿ee已經無做:(好怕味道keep唔到水準

叫左碗雞翼墨丸米加腩汁同腐乳通菜，通菜又淋又爽又脆綠，好好正！

碗米粉就一定要落佢地既辣油同辣醬！好過癮！

飲一啖湯，湯濃而清，依舊美味！
水餃足料，入面勁多筍絲，大愛

雞翼老水味濃，又入味！雞全翼斬開三節，依舊細心！

邊個話上水無好野食架？