Video
Read full review
2015-03-18
533 views
上星期五難得有興𡟹同老婆出街搵食，想去天后打邊爐，醒起平日路過呢間有賣花甲蟹煲，抱住唔駛山長水遠去澳門搵uncle water，即管試試。門口唔起眼，入內原來係茶仔style 心裡一沉，又鬼死咁肚餓，死就死啦。坐低先落order 一個蟹煲（3-4人用）約250，再睇menu 有個招牌蟹肉翅每份$96做緊半價$48，又試試佢。唔知等左成3，4個字，阿姐拎左碗翅黎，一匙羹'畢'落去，d生粉'獻'仲未溶，個碗野又死咁咸仲有少少煲燶左既味。即刻叫阿姐黎同佢講，個阿姐好似唔識聽冇反應，等到個女經理黎，一開口就話呢d唔係燶，係'金華火腿'嘅味，係我地食唔慣...，其實佢又冇試過碗野又點知係咪燶左？佢又點估到我地食唔慣金華火腿？莫名其奇。不過佢退貨亦費事同佢糾纏。又唔知幾耐，個煲送上，同幅相有d落差。份量3-4人一定唔夠食。花甲十零隻，新鮮及肥美好一般，一隻紅花蟹係幾新鮮嘅，街市賣100蚊3隻個d。有半隻走左油既冰鮮雞同腐竹蘿蔔墊底。個煲一樣都係咸到爆燈，湯頭辣味都做澳門uncle water 既口味，但人地d䓤蒜花甲多到滿瀉，所以鮮味程度還有大段距離。最爆既係叫個經理加水，冇左件事，叫阿姐跟跟，佢
門口唔起眼，入內原來係茶仔style 心裡一沉，又鬼死咁肚餓，死就死啦。
坐低先落order 一個蟹煲（3-4人用）約250，再睇menu 有個招牌蟹肉翅每份$96做緊半價$48，又試試佢。
唔知等左成3，4個字，阿姐拎左碗翅黎，一匙羹'畢'落去，d生粉'獻'仲未溶，個碗野又死咁咸仲有少少煲燶左既味。即刻叫阿姐黎同佢講，個阿姐好似唔識聽冇反應，等到個女經理黎，一開口就話呢d唔係燶，係'金華火腿'嘅味，係我地食唔慣...，
其實佢又冇試過碗野又點知係咪燶左？佢又點估到我地食唔慣金華火腿？莫名其奇。不過佢退貨亦費事同佢糾纏。
又唔知幾耐，個煲送上，同幅相有d落差。份量3-4人一定唔夠食。花甲十零隻，新鮮及肥美好一般，一隻紅花蟹係幾新鮮嘅，街市賣100蚊3隻個d。有半隻走左油既冰鮮雞同腐竹蘿蔔墊底。
個煲一樣都係咸到爆燈，湯頭辣味都做澳門uncle water 既口味，但人地d䓤蒜花甲多到滿瀉，所以鮮味程度還有大段距離。
最爆既係叫個經理加水，冇左件事，叫阿姐跟跟，佢加左小小湯就停，d湯好靲貴！我話個煲越食越咸，佢又'教訓'我地應該叫佢加水唔係湯喎。我話我本來要加水你個經理又走開，話俾你知d野食要改善下又要聽教訓。我都冇佢地咁好氣，冇藥可救。
本來2百零蚊有花甲蟹煲都唔好咁多要求，不過俾班極品姐姐教育，真係唔會再幫襯
Post