Video
Read full review
2019-02-09
249 views
1/ 遲開門，無人理訂了6點枱，6點到門口打開門，只見廚房內3人專心低頭做野，收銀處有一個侍應見到我探頭入黎，佢無反應，掉轉頭走左 (點樣樣，當睇我唔到？)，再企係門口一陣，廚房終於有人見到我，同我打招呼，但又無叫我入黎，我開口問開左門未，佢地先叫我出去等多5分鐘，我以為日本餐廳好準時，可能係我唔應該有呢個應該守時嘅諗法啦。2/ 侍應又當睇我唔到同場只有另一枱兩個客人，並非繁忙。準備落單叫野食，場內得一個短髮女侍應係空枱放緊筷子，向佢招手，佢明明見到又當睇我唔到，低頭繼續做佢嘅野，要出聲叫，佢先行埋黎 (其實你當睇我唔到，我係會見到架，唔該)。3/ 消失的魚湯呢個係今次用餐失望嘅重點！以住幫襯過數次，主要都係食魚生飯，部份原因是因為魚湯好飲，今次諗住試啲新野，見到天婦羅飯都有配魚湯，於是就試下啦，點知個飯黎到無魚湯，同一個短髮女侍應話呢個飯係配麵豉湯，我覺得無可能因為我係睇到餐牌寫有配魚湯我先會叫，但由於該名侍應非常堅持，話餐牌無寫配魚湯，於是我問佢拿餐牌再確認，佢竟然反左下白眼 (wow 呢個服務態度真係勁，又覺得我會睇唔到)。最後驗證左餐牌嘅食物圖片同文字都顯示呢個飯係有配魚湯，只
訂了6點枱，6點到門口打開門，只見廚房內3人專心低頭做野，收銀處有一個侍應見到我探頭入黎，佢無反應，掉轉頭走左 (點樣樣，當睇我唔到？)，再企係門口一陣，廚房終於有人見到我，同我打招呼，但又無叫我入黎，我開口問開左門未，佢地先叫我出去等多5分鐘，我以為日本餐廳好準時，可能係我唔應該有呢個應該守時嘅諗法啦。
2/ 侍應又當睇我唔到
同場只有另一枱兩個客人，並非繁忙。準備落單叫野食，場內得一個短髮女侍應係空枱放緊筷子，向佢招手，佢明明見到又當睇我唔到，低頭繼續做佢嘅野，要出聲叫，佢先行埋黎 (其實你當睇我唔到，我係會見到架，唔該)。
3/ 消失的魚湯
呢個係今次用餐失望嘅重點！以住幫襯過數次，主要都係食魚生飯，部份原因是因為魚湯好飲，今次諗住試啲新野，見到天婦羅飯都有配魚湯，於是就試下啦，點知個飯黎到無魚湯，同一個短髮女侍應話呢個飯係配麵豉湯，我覺得無可能因為我係睇到餐牌寫有配魚湯我先會叫，但由於該名侍應非常堅持，話餐牌無寫配魚湯，於是我問佢拿餐牌再確認，佢竟然反左下白眼 (wow 呢個服務態度真係勁，又覺得我會睇唔到)。最後驗證左餐牌嘅食物圖片同文字都顯示呢個飯係有配魚湯，只見佢地幾個連埋日本廚師忙於即時更改餐牌，無人過黎解釋返，無幾耐該名女侍應放低左個魚湯，一句野都無講就掉頭走左，講一好"唔好意思" 或者講兩句解釋下好難？其實我只是合理地要求返餐牌有寫嘅野，點解要得到一個咁嘅對待？難道是我錯了？？可能我覺得日本餐廳服務態度好係單方面嘅諗法。
4/ 要茶杯內無茶才可以要求加返啲熱茶？？
到差唔多食完，家人要求加熱茶，同一名侍應繼續放其筷子同做其他野，見到我地要求加茶，佢繼續做手上嘅野並且叫我地等等先。到佢做完手上嘅野，走過黎拎起家人嘅茶杯望左一望之後才去拿茶壺，我唔知佢做呢個動作背後嘅原因係咩，但比我嘅感覺係睇下杯內係咪真係無茶。之前黎食過幾次，侍應都會不止一次主動地幫我地加返啲熱茶，唔洗等我地啲茶凍晒/ 杯內完全無茶，再自己出聲要求先有，之前態度好好的，今次真係徹底非常地失望，亦都係我第一次覺得要係openrice寫評語。
平心而論，呢間餐廳嘅食物係唔錯，今次用餐得到咁嘅待遇之後再黎openrice 睇食評，見到最近都有對侍應不滿嘅評論，希望餐廳會正視！估唔到新年流流出街食個飯都要食到一肚氣，如果餐廳見到呢個評語覺得我有不合理嘅地方，歡迎向我反映。
Post