Cococabana

呢間餐廳開係石澳泳灘隔離，outdoor area望住個海，附近除咗幾間賣串燒同士多，無餐廳同佢爭到生意，估計十個客有十個都係貪呢點去食，但除咗呢個先天優勢，去呢間餐廳真係貼錢買難受，絕對無第二次！


首先，一坐低揭本menu仲痴笠笠過茶記餐牌已經好扣分，但一睇啲食物價錢竟然係五星級酒店價😂酒水你收貴啲我都明，黃金地段呀嘛，但夠膽死收$170一個普通ikea熱狗我真係笑出聲，見到menu啲食物相同價錢，加埋我哋order嘅嘢食嘢飲嘅真實感受（杯pina colada啲渣多到以為嚼緊原枝甘蔗🙂）性價比之低，係香港你真係算數一數二 。


其次，呢間餐廳嘅重頭戲當然係啲侍應嘅服務態度啦 。落單跟住本menu叫一份薯條with ketchup/ truffle mayo, 個侍應勁疑惑，皺晒眉頭問咩嘢truffle mayo, 我哋指住menu張相，佢就一面勁唔耐煩咁話😠：we don’t have truffle mayo, i have no ideas why they put it on the menu.


你份menu誤導啲客嗌錯野，話有呢樣嘢食但原來餐廳無，sorry都無聲都算，我哋又無份編寫你份menu，你炆憎啲客做乜😂？然後薯條送到上枱，除咗個裝住薯條嘅兜，侍應只放低咗一個裝住幾張餐巾嘅細玻璃杯，放係一隻細碟上面一齊上，然後就行開咗，成張枱係無其他碟同無餐具，咁我哋一行三人都assume咗隻碟係放呢個玻璃杯嘅，同埋都想每人有隻細碟，方便自己點啲茄汁同食得乾淨啲，唔好搞到成地碎，於是就有禮貌地請問侍應可唔可以麻煩俾三隻叉、三隻碟同茄汁我哋，你真係估個侍應唔到😀佢即刻起哂鋼，勁忟咁話呢到嘛有隻碟囉（指住個隻放住紙巾玻璃杯嘅碟），薯條以為你哋用手指食呀嘛！個個都咁食㗎啦！


係google review見有五星review，點知中大伏，openrice嘅咁多篇劣評先係正常人嘅真實體驗，收酒店價，但嘢食難食、嘢飲難飲、侍應零服務，你個景有幾靚都唔會儲到回頭客啦