Video
Read full review
2019-01-20
458 views
餐廳食物價格便宜，並且有以正價消費到$50，$80和$100就可以用優惠價點選指定食物的推銷。可是某略肥，臉包包的，蓄及肩短髮之中年女人侍應的服務態度奇差，可謂我咁大個女見過最惡劣的服務，認真趕客兼激到我崩潰！！話說一行二人以正價叫了個三文魚腩加州卷($38)和親子丼($48),合共$86。食食下上左個三文魚親子飯，正常反應當然係話上錯咗啦，於是另一侍應睇翻記錄就發現幫我們落單的中年女人將親子丼落錯做三文魚親子飯，然後向她解釋何謂親子丼。她的即時反應就是啤住我，而且似乎沒有認錯的意識，仲係咁講點知姐，俾人呃咗啊～她在我身旁講了好幾次，唔知係當我聾咗吖定有意俾我聽到呢？佢有錯唔認不特止，仲要掉翻轉埋怨個客哩種態度令到我十分憤怒，而家姐係屈我咁話囉喎？！我好肯定我係話親子丼，從來沒有講過三文魚哩三隻字，哩三隻字係邊到黎我真係黑人問號🤷之後她就開始話我們食唔夠錢，不能用優惠價，但其實我們的消費已足以使用到$50 & 80的order優惠。及後另一侍應check單知道我地無錯，又同那位中年女人講翻先無事。整頓晚餐我都無罵她(雖內心已十分火滾)，只是因為我怕她會在我未到的親子丼上‘加料’，食完餐
話說一行二人以正價叫了個三文魚腩加州卷($38)和親子丼($48),合共$86。食食下上左個三文魚親子飯，正常反應當然係話上錯咗啦，於是另一侍應睇翻記錄就發現幫我們落單的中年女人將親子丼落錯做三文魚親子飯，然後向她解釋何謂親子丼。她的即時反應就是啤住我，而且似乎沒有認錯的意識，仲係咁講點知姐，俾人呃咗啊～
她在我身旁講了好幾次，唔知係當我聾咗吖定有意俾我聽到呢？
佢有錯唔認不特止，仲要掉翻轉埋怨個客哩種態度令到我十分憤怒，而家姐係屈我咁話囉喎？！我好肯定我係話親子丼，從來沒有講過三文魚哩三隻字，哩三隻字係邊到黎我真係黑人問號🤷
之後她就開始話我們食唔夠錢，不能用優惠價，但其實我們的消費已足以使用到$50 & 80的order優惠。及後另一侍應check單知道我地無錯，又同那位中年女人講翻先無事。
整頓晚餐我都無罵她(雖內心已十分火滾)，只是因為我怕她會在我未到的親子丼上‘加料’，食完餐飯又唔知有咩機會可以剷佢上天花板，所以作罷。但後來很後悔沒有大罵她一餐，因為之後整晚都嬲爆，吞唔落啖氣！加上翻查openrice的食評，發現好多人都話這餐廳服務差，更出現與我今次相似的情況(同樣是侍應屈客，惡人先告狀)。這一切令到我更為後悔，竟然沒有罵她伸張正義，只好在這裏寫上久違的食評來洩心頭之恨！！
一個侍應，不熟讀餐牌和優惠
一間餐廳，侍應服務態度差(參考其他食評，發現不只一人服務差，幾乎每個崗位人士都差)
但仍可以屹立十年之久，簡直是奇店！
講少少有關食物的評價。壽司飯很一pat野，不夠飯粒分明。三文魚很薄且沒有甚麼鮮味，食緊三文魚腩都唔覺得係三文魚腩…
熟食會較好，不過這個價錢也不能要求太多。但這不等於服務也可低劣囉～
幾平都好，咁嘅服務，真係要blacklist.
因食到太唔開心，無影到親子丼。
Post
