空港居酒屋 (Under Renovation)

每次去到機場 如果有時間 都會特意過來一號客運大樓旁 富豪機場酒店入面間居酒屋 呢間餐廳價格當然唔平 但經過我多番嘗試 由一般拉麵餐 到鐵板餐及其他定食 我誠心向大家推介這裏的燒銀雪魚定食。這裏的定食 全部都有沙律作前菜 套餐入面亦都包括左辣味螺肉 日式燉蛋 湯品 醃制蘿蔔🥗銀鱈魚份量十分充足 食過幾次最少都有兩大塊 師傅工架十足 燒得甘香美味 但魚肉卻滑溜溜 好好味 最配的是帶有酸味的沙律醬和熱騰騰的日本珍珠米 極美味！餐後仲會送上雲呢拿雪糕 和是日水果 好欣賞佢哋餐廳的一些細節位 例如放雪糕的碟子是事前雪到冰冷的 有空到香港國際機場時 不妨一試！